The Passion of Our Lord
Pascon Agan
Arluth
1375
1 Tays ha mab han speris sans
wy abys a levn golon
Re wronte zeugh gras ha whans
ze wolsowas y basconn
Ha zymmo gras ha skyans
the zerevas par lauarow
may fo ze thu ze worthyans
ha sylwans zen enevow
2 Suel a vynno bos sylwys
golsowens ow lauarow
a ihesu
war an bys avel carow
Ragon menough rebekis
ha dyspresijs yn harow
yn growys gans kentrow fastis
peynys bys pan ve marow
3
Du
sur dre virtu an tas
zynny a zyttyas gweras
En mab dre y skyans bras
pan gemert kyg a werhas
han sperys sans leun a ras
dre y zadder may fe guris
Gozaff paynys pan vynnas
neb na ylly gull peghes
4 An dus vas a zeserya
zeze gulas nef o kyllys
gans aga garm hag olua
ihesus crist a ve mevijs
may fynnas dijskynna
yn gwerhas ha bos genys
gans y gyk agan perna
arluth du gwyn agan bys
5 Ihesu crist mur gerense
ze vab den a zyswezas
an vghelder may zese
zen bys pan deyskynnas
Pehadoryon rag perna
o desevijs dre satnas
rag henna gorzyn neffra
ihesus neb agan pernas
6 A(n)
peynys a wotheuys
ny ve ragtho y honan
lemmyn rag pobyll an bys
pan vons y kefis mar wan
an ioull ze adam kewsys
an aval te kemer tam
a vell du y fethyth gurys
pan yn provas nyn io mam
7 War lyrgh mab den ze begha
reson prag y fe prynnys
yw ihesus crist ze ord(na)
yn neff y vonas tregys
y vos kyllys ny vynna
y doull ganso o tewlys
rag henna ze bob dyzgthtya
forth a rug the vos sylwys
8 Kyn na goff den skentyll pur
par
yn tre du ha pehadur
acord
rag bonas gonn pegh mar vur
mayn yn treze a ve gurys
eff o crist a theth dhen leur
mab du ha den yw kyffris
9 Ragon
y pesys y das
oll y sor may fe gevys
gans y gorff dre beynys bras
agan pegh may fo prennys
mab marea leun a ras
oll
y voth a ve clewys
ha kemmys a theseryas
zozo eff a ve grontis
10 I vam pan yn drehevys
hay vos deuezis ze oys
gull penans ef a pesys
henna ganso nyn io poys
(d)evguans dyth ow penys
y speynas y gyk hay woys
ha woteweth rag densys
eff an geue awell boys
11 Han ioull henna pan glewas
y demptye a brederys
ha zozo y tysquezas
cals meyn hay leuerys
Mars sos mab du leun a ras
an veyn ma gura bara zis
ihesus crist par
zozo ef a worthebys
12 Mab
den heb ken ys bara
nyn geuas ol y vewnans
lemmen yn lauarow da
a the ze worth an dremas
dre worzyp crist yn urna
lemmyn ny a yll gwelas
lauar du maga
neb a vynno y glewas
13 Gans
gloteny ef pan welas
cam na ylly y dolla
en tebell el a vynnas
yn ken maner y demptye
war penakyll yn goras
dyantell ze eseza
a vgh eglos tek yn wlas
an yset(h)va y zesa
14 An
ioul ze grist a gewsys
yn delma rag y demptya
a hanas y thew scrifys
bos eleth worth ze wyze
rag own yw zom desevys
ze droys worth meyn ze dochye
mar sos mab du a vur brys
dijskyn ha zen dor ke
15 Ihesus crist a leueris
ze thu ny goth thys temptye
yn neb ehan a seruys
lemmyn prest y honore
Ha whath an Ioul a dewlys
towll ken maner mar calle
dre neb forth a govaytis
guzyll zy gowsys tryle
16 A lene yn hombronkyas
vghell war ben vn meneth
ha zozo y tysquethas